Maxfiylik siyosati

Ushbu hujjat Smart Talaba Telegram botidan foydalanishda foydalanuvchilarning shaxsiy ma’lumotlari qanday yig‘ilishi, saqlanishi va ishlatilishini tushuntiradi.

1. Yig‘iladigan ma’lumotlar

Smart Talaba botidan foydalanish jarayonida quyidagi ma’lumotlar yig‘ilishi mumkin:

• Telegram foydalanuvchi identifikatori (user_id)
• Hemis tizimi bilan ishlash uchun zarur bo‘lgan sessiya tokenlari. Diqqat: Foydalanuvchining Hemis login va paroli serverda saqlanmaydi.
• Bot sozlamalari (eslatma vaqti va shunga o‘xshash texnik parametrlar)

2. Ma’lumotlardan foydalanish

Yig‘ilgan ma’lumotlar faqat quyidagi maqsadlarda ishlatiladi:

• Hemis axborot tizimi bilan integratsiya qilish
• Dars jadvali, davomat, baholar, topshiriqlar ro‘yxati va profil ma’lumotlarini taqdim etish
• Darslar va topshiriqlar bo‘yicha bildirishnomalar yuborish

Smart Talaba botidan foydalanuvchi roziligisiz va ushbu maxfiylik siyosatida ko‘rsatilmagan maqsadlarda ma’lumotlardan foydalanilmaydi.

3. Saqlash va himoya

Barcha shaxsiy va maxfiy ma’lumotlar texnik xavfsizlik choralariga rioya qilingan holda shifrlangan holatda saqlanadi. Yig‘ilgan ma’lumotlar uchinchi shaxslarga berilmaydi, bundan foydalanuvchining bevosita so‘rovi asosida Hemis tizimi bilan ishlash holatlari mustasno.

4. Ma’lumotlarni o‘chirish

Foydalanuvchi istalgan vaqtda Smart Talaba botidan foydalanishni to‘xtatish va o‘z ma’lumotlarini o‘chirish huquqiga ega. Ushbu ma’lumotlar 1-bandda ko'rsatilgan ma’lumotlardir.

Buning uchun quyidagi aloqa manziliga murojaat qilish kifoya.

5. To'lovlar va mablag'larni qaytarish

Bot hisobini to'ldirish uchun amalga oshirilgan to'lovlar (karta yoki boshqa usullar orqali) qaytarilmaydi (non-refundable). Kiritilgan mablag'lardan faqat bot ichidagi xizmatlardan (masalan, taqdimotlar yaratish) foydalanish uchun ishlatish mumkin.

6. Aloqa

Maxfiylik siyosati yoki shaxsiy ma’lumotlarga oid savollar bo‘yicha murojaat qilish uchun:

• Telegram: @raxim_jonovich

7. Yakuniy jumla

Smart Talaba botidan foydalanish orqali foydalanuvchi ushbu maxfiylik siyosati shartlariga rozilik bildiradi. Ma’lumotlaringiz shifrlangan va maxfiy tarzda saqlanadi.